Handikap í Nauthólsvík

Fyrst er byrjað á tímatöku á þessari 6 km leið. 

Útlistun á handikap 

Sá sem á versta tíman segjum bara 43mín fyrir ræsingu leggur af stað og klukkan er ræst, ef næsti er með bestan tíma 38 mín þá leggur hann af stað 5 mín á eftir og sá sem á bestan tíma 33 mín leggur svo af stað 5 mín á eftir mér o.s.frv  

Það er samt alltaf ræst á heilli mínútu þannig að ef sá/sú sem á lakasta 42,35 þá er klukkan sett af stað og 25 sek síðar leggur viðkomandi af stað.

Ef viðkomandi síðan bætir sinn tíma um 2 mín en sá sem átti bestan tíma 33 mín stendur í stað þá leggur viðkomandi næst 3 mín á undan viðkomandi af stað og hef því "tapað" 2 mín af sínu handikappi (forgjöf).

Sigurvegarinn hverju sinni fær síðan 1000 stig og síðan fær 2. sætið -1 stig fyrir hverja sekúndu sem hann/hún er á eftir og svo koll af kolli 3 mín á eftir 1. sæti er 1000(stig) - (3*60sek) = 820stig

Fyrstu keppni ársins lokið - RVK bikar 2009

Það er óhætt að segja að veðurguðirnir hafi ekki verið hliðhollir kayakmönnum í þessari fyrstu keppni ársins sem haldin var í kjölfar lægðar sem gengið hafði suður fyrir landið um nóttina. Rok, haglél, stormur og rigning, þetta var allt á sínum stað. Þetta var fjórða RVK bikarkeppnin mín og það er reyndar þannig við Geldinganesið að ef það er slæmt veður í Reykjavík eða jafnvel smá gola, þá er slæmt veður þar. Þetta var hins vegar fyrsta keppni sem ég hvolfi í enda var öldulag mjög slæmt við V-enda nesins. Með dyggri aðstoð frá Hilmari Erlendssyni tókst okkur með félagabjörgun að koma mér á réttan kjöl oní bátinn aftur. Það sem eftir var keppninnar var róið með 20-30L af sjó gutlandi í bátnum sem jók en á ójafnvægið. Eftir veltu var ég kominn á eftir nokkrum bátum en tókst að klára í öðru sæti á eftir Haraldi Njálssyni og rétt á undan Hilmari. Það voru engin brautarmet sett í ár og einhverjir fóru á hvolf við þessar aðstæður. Það er óskandi að þetta sé ekki vísir að veðri í keppnum sumarsins þannig að fleiri geti tekið þátt og jafnvel mætt á staðinn utan af landi. Í það mynsta mætti flytja keppnina á skárri stað þegar veðrið er jafn slæmt og það verður gjarnan í kringum geldinganesið.

Viper seldur

Hilmar Erlendsson keypti Viperinn eftir að hafa prófað hann nokkrum sinnum. Hann tók strax við að breyta bátnum til að gera hann hæfari á sjó og löglegan til keppnisþátttöku. Hann er búinn að setja í hann skilrúm að framan og aftan (sjá myndir) en bönd og lúgur koma síðar. Þetta var í raun alveg bráðnauðsynlegt því hann var búinn að prófa að fara á hvolf nokkrum sinnum og þó svo að hægt sé að komast í svona bát aftur á auðveldan hátt þá er hann fullur af sjó eftir að hafa hvolft og er þá alveg sama hversu góð félagabjörgun eða kúrekainnstungan er. Við erum búnir að prófa græjuna með ýmsum sætisútfærslum, báturinn kemur með venjulegu keppnis sæti með engum mjaðmastuðning sem gerir hann mjög óstöðugan. Ekki skánar það þegar snúningssætið er komið í bátinn en það venst samt ótrúlega fljótt þegar haldið er stöðugum róðratakti. Það sem kom mér mest á óvart er hvað báturinn fær góða eiginleika ef sætið er tekið úr honum og róið á dýnu því þá verður jafnvægið mun betra þar sem þyngdarpunktur færist neðar og aftar þar sem breyddin er meiri. Til samanburðar við aðra báta er fyrsti stöðugleiki mjög góður og með auknum stöðuleika með mjaðmastuðning verður spennandi að sjá hvaða hraða hann býður upp á. Á sléttum sjó er tiltölulega auðvelt að halda 11 km/klst og á spretti fer hann upp fyrir 14 km/klst, það breytist hins vegar fljótt í öldu og vind. Við Hilmar rérum nokkra spretti saman eftir breytingar og þetta er allt annar bátur hvað stöðugleika varðar og hraðinn er ógurlegur.

Dagsetningar fyrir keppnir sumarsins komnar hjá Kayakklubbnum

Flokkun		Dags.	Viðburður	Tengiliður
K	R	30. apríl fid.	Elliðaár-ródeó	Keppnisnefnd
K	S	2. maí laugard.	Reykjavíkurbikar	Keppnisnefnd
U	S	9. maí laugard.	Skorradalsvatn	Sveinn
U	R	16. maí laugard.	Hvítárferð	Gummi J. 899 7516,  Heiða 867 3755
U	S	21.-24. maí	Reykjanes	Ísfirðingar
N	S	28.-29. maí	BCU námskeið	Kaj
UN	S	29.-31. maí	Egill Rauði	Kaj
K	S	31. maí, sunnud.	Sprett- og veltukeppni	Kaj
U	S	1.-3. júní	Stjáni Blái Egilsstöðum	Karl Jörgensen og Þorst. Sigurlaugs
U	S	6. júní, laugard.	Suður með sjó	Andri  699 5449
U	R	13.-14. júní	Galtaleikar	Gummi J.   Anna Lára 824 6245
K	S	20. júní, laugard.	Bessastaðabikar	Keppnisnefnd
U	S	23. júní, þriðjud.	Jónsmessuróður	Ferðanefnd
UK	R	27. júní, laugard.	Tungufljótskappróður	Gummi J. 899 7516
	S	29. júní, mánud.	Marcus Demuth	Kaj
U	S	3.-5. júlí	Arnarstapi-Hellnar	Gísli H.F.  822 0536
K	S	11. júlí, laugard.	Suðureyri, 10 km	Ísfirðingar
U	RS	17.-19. júlí	Kayakdagar Skagafirði	Anna Lára 824 6245
	S	31. júlí, föstud.	Marcus Demuth
U	S	7.-9. ágúst	Króksfj.-Reykh.-Akureyjar	Reynir T. 824 5444
U	R	15. ágúst, laugard.	Hvítá	Anna Lára, Gummi J., Heiða 8673755
K	S	5. sept. laugard.	Hvammsvíkur-maraþon	Keppnisnefnd
K	R	5. sept. laugard.	Haustródeó	Keppnisnefnd
U	S	20. sept. sunnud.	Þingvallavatn	Sævar  864 7407
	R:	Straumkayak
	S:	Sjókayak
	K:	Keppni
	U:	Útivist
	N:	Námskeið

Árlega surfski keppnin í Dubai 2. desember 2008

Keppnin var ansi merkileg að þessu sinni því nokkrum af bestu sléttvatns ræðurum heims var boðið að taka þátt. Hér fyrir neðan er linkur á úrslitin en það er skemmst frá því að segja að sléttvatns ræðararnir voru teknir í bakaríið og voru ekki á meðal efstu manna. Ólympíumeistarinn Tim Brabants lenti í fertugasta sæti og silfurhafinn Eric Larsen í þrítugasta sæti. Á heimasíðu sinni skrifar Larsen stuttan pistil um keppnina og útlistar kunnáttuleysi sitt í að surfa á surfski. Tim Jacobs frá Ástralíu vann á tímanum 1:42:93.7 sem þýðir að meðalhraði hans var 17,4 km/klst á 30 km!!

http://www.dubaishamaal.com/race_results.php

Frægðarhöll sjókayakræðara

Á paddler magazine on line er búið að setja upp síðu með nokkrum helstu afrekum á sjókayak. Ansi athygliverð lesning:

http://www.paddlermagazine.com/issues/2003_4/article_221.shtml

Nýr en gamall bátur í flotann

Eftir miklar pælingar keypti ég gamla bátinn hans Haraldar Njálssonar á dögunum. Þetta er bátur af gerðinni Quest frá P&H sem ætlaður er til lengri ferðalaga (sjá myndir í albúmi). Ég prófaði svona bát fyrir 2 árum síðan en hef í raun ekki siglt þessari gerð við erfiðar aðstæður. Hann er útbúinn með fótstíginni dælu, áttavita og skeggi en einnig er möguleika að smella á hann stýri. Rúmmálið er gott en lengd og breidd eru í meðallagi. Reyndar hef ég lesið að rúmmál frammlestar mætti vera meira fyrir lens en það á eftir að koma í ljós. Báturinn er bæði skemmdur á stefni eftir brimróður og heilmikið lemstraður eftir mikla notkun, það er eins og Halli hafi sigl honum nokkrum sinum niður Skjálfandafljót. viðgerð er þegar hafin og vonast ég til að geta prófað hann um næstu helgi. Þetta er ágæt viðbót við þá báta sem ég á þegar sem henta aðallega til keppnisróðurs. Questinn verður góður í ferðalög, félagaróðra og til að leyfa byrjendum að prófa. Þetta er annar enski báturinn sem ég eignast (hinn var Valley Rapier 20) en hefðin fyrir hönnun sjókayaka er mikil í Englandi. Einn af goðsögnum sjókayakmenningar er englendingurinn Derek C. Hutchinson og eru margar bækur hans um róður eru skildulesning fyrir sjókayakræðara.

Kayakklúbburinn Sviði á Álftanesi eignast nýja aðstöðu

Laugardaginn 27 september lögðu 6 bátar upp frá Nauthólsvík fyrir Álftanes til að heimsækja nýja aðstöðu Kayakklúbbsins sviða á Álftanesi. Vindur blés hressilega að suð-vestan og því var góð alda og mótvindur á leiðinni. Aldan tók hressilega á köflum og var unun að sjá félagana taka á henni af snild.  Menn voru nokkuð slæptir á áfangastað eftir barninginn, sérstaklega eftir erfiða brimlendingu(sjá myndir sem Trygggi sendi mér teknar af Steina X). Menn hresstust þó fljótlega eftir að hafa fengið kaffi og kakó með bakkelsi hjá meðlimum Sviða. Búið er að setja upp bráðabirgðaaðstöðu með tveim gámum með rennandi vatni og rafmagni með snyrtilegum palli fyrir utan á besta stað á sunnanverðu nesinu. Komnar eru teikningar að 200 fermetra húsi á sama stað. Á bakaleiðinni var veðrið aðeins gengið niður og þægilegur lens undan öldu í Nauthólsvík. Við tók lokahóf Kayakklúbbsins í félagsaðstöðu sportkafaraklúbbsins í Nauthólsvík.

Surfski keppni í fyrsta sinn á norðurlöndum

Keppnin var haldin 1 September , 2007 nálækt Arkösundi. Ekki ófrægari kappi en Oscar Chalupsky tók þátt í keppninni og sigraði nokkuð örugglega. Oscar hélt meðalhraða upp á 12,5 km/klst í Þessari 20 km keppni og var 4 mín á undan næsta manni. Gaurinn er goðsögn á meðal kayakmanna, hann hefur unnið Molokai surfski keppnina á Hawaii 11 sinnum ásamt ótal sigrum um allan heim. Á Íslandi eru ekki til nein surfski að ég best veit en þau eru mjög álitlegur kostur fyrir keppni við ákveðnar aðstæður. Þau eru mjó (oft undir 45 cm) og löng (oft vel yfir 6 m) þannig að þau ná miklum hraða. Munurinn á hefðbundnum kayak og surfski er sá að á surfski er maður ekki lokaður inni í bátnum með svuntu, heldur er setið ofan á skíðinu í sæti sem útbúið er þannig að það tæmir sig sjálft ef sjór sullast inn. Þá er stýrið stórt og staðsett undir bátnum nálægt sæti þannig að lítil hætta er á að það beri sig þegar siglt er undan öldu. Ef farið er á hvolf á surfski er einungis hoppað uppá aftur án þess að þurfa að tæma mannopið. Þetta eru því á margan hátt áhugaverðar græjur sem henta vel til siglinga í stórri öldu. Hér er linkur á Oskar sem er annar eigenda Epic kayaks ásamt link á keppnina í Svíþjóð.

http://www.epickayaks.com/about/oscarchalupsky

http://www.nomado.se/sssc2007.php

Heimsmeistaramótið í kayakmarathonróðri 2008

Mótið var haldið 20-21 september í Tékklandi. Það var Spánverjinn Merchan Emilio sem sigraði, hann réri 30.1 km á 2 klst 10 mín en heimamaðurinn Jezek Thomas var aðeins 0,8 sek á eftir honum. Emilio er búinn að vera ósigrandi síðustu misseri en er þó ekki að vinna með miklum mun í hvert skipti en sigrar með góðri taktík á loka metrunum. Meðalhraðinn hjá honum var rúmir 13,9 km/klst!!. Í kvennaflokki sigraði Follath Vivien frá Ungverjalandi en hún réri 25,8 km á 2:01:04.49 (meðalhraði 12,79!!). Til gamans má geta að í flokkunum eldri en 60 ára voru um 30 keppendur sem kláruðu keppnina í karlaflokki. Það er aðdáunarvert að sjá fólk á þessum aldri í svona góðu formi til að geta hlaupið með kayaka og róið þessar vegalengdir á þetta miklum hraða.

Sjá nánar um keppnina:http://www.canoemar.cz/2008/main.php